حـــآإيــــــــل بـعــد حــيي

[آإلـطـخــمـــهـ]

 

.. .. ..


حايل : صهيل وخيل . . وحكاية أمجـاد
حايل : يا مال السيل . . يا جبال حايل

من يفهـم التاريـخ . . مـن للأصـل عـاد
هـم نسـل حاتـم . . طيبـيـن الفعـايـل

واللي سكن حايل على الدرب ما حاد
كـــلٍ عــطــاه الله صــفــات وخـصـايــل

أحـبـهـا ؟! وإلا هـــو الـعـشـق يــــزداد
لـلـدار والـديــرة . . ورســـوم وعـوايــل

يا بعد حيّي . . عزوتـي . . دار الأجـداد
مـيّـل عـقـالـك . . يـابـعـد كـــل مـايــل

في مهرجان الصيف . . للضيـف ميعـاد
بـرامـجٍ فــي جـــو مـمـتـع . . وهـايــل

بأمن وأمان . . ومن بغـى الشـر ينقـاد
للشـرع . . حيـث الشـر مامنـه طـايـل

مـــن روّع الآمـــن ؟ مـــن يـتــم أولاد؟
مــن لـطـخ الأمــه بـشـتـى الـوسـايـل

من شوّه الإسلام ؟ من طـاوع أوغـاد؟
مــن صـنّـف الأشـيـاء جمـيـعـاً رذايـــل

لا مـن أمرنـا شيخـنـا : سـيـوف وزنــاد
ضــد الـــذي ضـاقــت عـلـيـه الـبـدايـل

حـنـا : جـنـود الله عـلـى الأرض أوتـــاد
نـثـبـت . . وعـــدو الله لا شـــك زايـــل

الأرض عِــرض . . مـاهـي بـــلاد بـبــلاد
عشـنـا بـهـا . . يــوم الفـقـر والرحـايـل

وقـت الرخـا . . جـونـا طوابـيـر حـسـاد
بـعـيـونـهـم نـنــثــر رمـــــاد الـمــلايــل


<< يــآآلبــــــيــــــــــــــــه


(منقول)

[a7la dl3]

 

يالله انك تحيي اهل حايل وتخليهم لعينٍ ترجيهم
والله انا مااعرف من اهل حايل إلا كم شخص و ماشفت منهم الا كل خير
اخلاق وسماحه وكرم ..ولايهونون اهالي المناطق الثانيه كلهم على العين والراس


يسلموووو
آإلـطـخــمـــهـ
اطيب واق تحيه لسموك...

[أبيك و ما أبيهم]

 

صح لسانك ..
حايل حلوه واجوائها احلى ..

[الطـربهـ]

 

لبـــــــــــــــــى حايل واهل حـــــــــايل

قصيده اكثر من رائعه

تسلمين يابعد حيي

[آإلـطـخــمـــهـ]

 

اقتباس: المشاركة الأصلية كتبت بواسطة a7la dl3     يالله انك تحيي اهل حايل وتخليهم لعينٍ ترجيهم والله انا مااعرف من اهل حايل إلا كم شخص و ماشفت منهم الا كل خير اخلاق وسماحه وكرم ..ولايهونون اهالي المناطق الثانيه كلهم على العين والراس يسلموووو آإلـطـخــمـــهـ اطيب واق تحيه لسموك...

الله يحييك ويبقيك ويسلمك..


نورررتي يابعد حيي والله

[آإلـطـخــمـــهـ]

 

اقتباس: المشاركة الأصلية كتبت بواسطة b 7 r     صح لسانك .. حايل حلوه واجوائها احلى ..

صح بدنك يالغلا..

منوووور اقوووى شي

[آإلـطـخــمـــهـ]

 

اقتباس: المشاركة الأصلية كتبت بواسطة الطـربهـ     لبـــــــــــــــــى حايل واهل حـــــــــايل قصيده اكثر من رائعه تسلمين يابعد حيي

يالبى قلبك يالدوووباااا


الله يسلمك ويخليك

[هدوئي مزعج]

 

من اتجه نحو الشمال مودعً حاايل

سلم على حايل وسلم على شمر

قدامك الخافق الي ينشد مايل

كنه معلق على برزان ومسمر .........


ايا فديت كل شمر ‘‘اسلم ..سنجاره...عبده‘‘وربي اطلق قبيله

[شيختهم]

 

لكن حايل غير
أحبها ياختي مع أني ماقد زرتها
يمكن علشان طلال الرشيد منها ؟؟؟
المهم أحب هالديرة وكل ماشوف احد من حايل أحبه لاشعورياً

[ديناصور الشمال]

 

مشكورة يالطخمة
ليس بغريب علينا ان نمدح
كل هذا المدح ولا تهون باقي
مناطق المملكة جميعها نحبها
لكن مالحب الا للحبيب الا إولي

[الفارس الملثم]

 

اقتباس: المشاركة الأصلية كتبت بواسطة اوجس وجع بضرسي     من اتجه نحو الشمال مودعً حاايل سلم على حايل وسلم على شمر قدامك الخافق الي ينشد مايل كنه معلق على برزان ومسمر ......... ايا فديت كل شمر ‘‘اسلم ..سنجاره...عبده‘‘وربي اطلق قبيله

وربي هههه قسم بالله كلمه ترفع الظغط اذا سمعتها

مع ان القصيد في حايل لكن اذا ربطت حايل في شمر ياليت اقتديت بكلام a7la dl3

ونعم في شمر من غير قصور في جميع القبايل والحمايل

[هدوئي مزعج]

 

اقتباس: المشاركة الأصلية كتبت بواسطة نصورري     الطخمه تدري وش ازين شي فيك انك من حايل بس بسالك وش اصلك ؟؟ وهاذا الي نكه انجليزي على قولك صح لسانك ليش لسانها نايم مثلا هع هع هع

هههههههههههههههههههههههههههههههههههههههههههههه

ياااااابايخ

قسم بالله كل ماشفت اسمك اتذكر يوم تصك راسي بالبلاكاشه الي معك خخخخخ


اولاه عليك بنمر بن عدوان ^^ >>>تستلعن

[آإلـطـخــمـــهـ]

 

مــنــــوورين يابعد حيي الله يخليكم..

مآعليكم زوود

[الخالديه]

 

اقتباس: المشاركة الأصلية كتبت بواسطة شيختهم     لكن حايل غير أحبها ياختي مع أني ماقد زرتها يمكن علشان طلال الرشيد منها ؟؟؟ المهم أحب هالديرة وكل ماشوف احد من حايل أحبه لاشعورياً

نفس الشعور ولنفس السبب
الله يرحم طلال ويغفر له
وتستاهل المدح حايل
لاهنتي يالطخمه ..